Para conmemorar o día mundial da hemofilia as entidades do movemento asociativo de hemofilia e outras coagulopatías conxénitas facemos unha campaña de difusión a nivel mundial.

Iluminaranse de vermello edificacións e monumentos por todo o mundo que contribuirá a chamar a atención cara ás persoas afectadas por trastornos da coagulación hereditarios.

O lema do Día mundial da hemofilia deste ano é "Acceso para todos: Alianzas. A prevención de hemorraxias como norma de atención a nivel mundial". Ao crear conciencia sobre a hemofilia e outros trastornos da coagulación hereditarios e chamar a atención dos lexisladores cara a eles podemos incrementar o acceso sustentable e equitativo á atención e o tratamento.

Iluminarse de vermello é unha campaña auspiciada pola Federación Mundial de Hemofilia ( FMH) e a Federación Española de Hemofilia FEDHEMO.

En Galicia  ilumináranse de vermello monumentos e edificios nas principais cidades galegas, estade atentos e atentas as nosas redes sociais.

Nesta campaña de difusión tamén lanzamos un reto por redes sociais animando a todas aquelas persoas que nos queiran apoiar a que tiren fotos e as suban nas súas redes sociais etiquetándonos. Como?

1- Colle unha prenda ou complemento de cor vermella

2- Tira unha foto ou vídeo 3- Súbeo nas túas redes co #RetoPrendaRoja e etiquétanos @Agadhemo

Aínda non estas apuntado á a Asemblea de Agadhemo? Celébrase o domingo 16 de abril, en Santiago de Compostela. Lembramos que para apuntarse só tes que chamarnos ou escribirnos ao info@hemofiliagalicia.com ou a 986281960 (horario de mañá) Esperámosvos !!

Desde Agadhemo queremos animarvos a todos e todas a participar nunha nova iniciativa da Liña de Hemosalud coa I Xornada de Hábitos de vida saudables.

Temos a sorte de contar con Vicente de Becerra, ponente desta primeira xornada de Hemosalud e Profesor de educación física, Adestrador persoal, Farmaceútico, Químico e Mestre en coaching.

A nosa intención é abordar diferentes temáticas de interese sobre aspectos deportivos, nutricionais, psicolóxicos, sociais e físicos relacionados coa Hemofilia coa finalidade de mellorar a calidade de vida das persoas a través da actividade física e unha alimentación saudable.

A idea é chegar a todo o colectivo de persoas socias de Agadhemo, polo que respondendo as vosas demandas, organizaranse máis datas por outras zonas do territorio galego.

Para facilitar a organización e xestión dos espazos, agradécese que avisen con antelación da cantidade de persoas asistentes

Agardamos a vosa resposta e animámosvos a participar! Inscricións ao correo a info@hemofiliagalicia.com ou chamar ao teléfono 986281960 (horario de mañá).

Dende Agadhemo queremos lembrarvos que o vindeiro sábado día 11 de Marzo realizaremos unha nova edición da HEMOESCOLA (obradoiro de autotratamento).

Terá lugar nas instalacións de COGAMI- MOS: Avd. do rebullón, s/n, Puxeiros 36416 Mos, Pontevedra. Link da dirección:  https://goo.gl/maps/5fE9RvCpa1ZRBNqW7 .

No horario de 11:30 - 13:30 da mañá.

Ao rematar a actividade quedaremos a comer no Centro Cultural As Pedriñas (ao lado do centro). Por isto agradécese que informen das posibles alerxias alimenticias das persoas asistentes.

Para facilitar a organización dos espazos e a xestión da reserva, agradécese que avisen con atelación da cantidade de persoas asistentes.

A data límite para a inscrición é o 6 de marzo.

Agardamos a vosa resposta e animámosvos a participar!

Neste ano 2022 , coa colaboración da Deputación de Pontevedra continuamos coa formación para familias con crianzas que teñen algunha coagulopatía.

Programa dirixido a :

• Persoas con hemofilia
• Persoas con EvW
• Persoas con déficits de factor
• Persoas portadoras
• Persoas coidadoras de PCH

Información e inscricións: asogalicia@hemofiliagalicia.com

Coa colaboración do Concello de  A Coruña seguimos en marcha coa Escola de formación en Hemofilia e coagulopatías da área sanitaria de A Coruña.

Máis información en asogalicia@hemofiliagalicia.com

2022: obradoiros de Formación  en  hemofilia e outras coagulopatías.

Coa colaboración do Concello de  Ferrol  seguimos en marcha coa Escola de formación en Hemofilia e coagulopatías da área sanitaria de Ferrol.

Máis información en asogalicia@hemofiliagalicia.com

O vindeiro sábado 29 de maio 11:30 (en segunda convocatoria) celebrarase a XXXIII Asemblea Xeral Ordinaria de socios e socias de AGADHEMO.

Como sabedes seguimos baixo restricións por mor do Covid-19, esta asemblea convócanse de forma mixta, e para garantir as medidas de seguridade precisas imos a poñer unha serie de requisitos para salvagardar a saúde de todos e todas nos.

Participación presencial:

• Convocase en Santiago de Compostela previa inscrición, para así poder saber con antelación o espazo que debemos ter para asegurar ese distanciamento social obrigatorio, e as medidas de seguridade necesarias.
• Asistirán só persoas asociadas. Lamentablemente non podemos facer un acto de convivencia, o cal o deixaremos para o vindeiro ano.
• Unha vez inscritas as persoas chamaranse para confirmar.

Participación telemática:

• Deberan achegar inscrición previa, para así poder comprobar as persoas socias que estarán inscritas durante a asemblea, e ter tamén un enderezo electrónico para enviar o enlace de forma segura.
• Asistirán só persoas asociadas.

Para calquera información e para inscricións chamar ao 986 281 960 ou no info@hemofiliagalicia.com

Xornadas: “Acceso para todos: Alianzas. Políticas públicas. Progreso"

• 10:00 - 12:30
• Congreso dos Diputados

Con motivo do Día Mundial da Hemofilia, o vindeiro 26 de abril FEDHEMO organiza un acto institucional no Congreso dos Diputados.

Este ano o lema é “Acceso para todos: Alianzas. Políticas públicas. Progreso. Involucrar ó seu goberno, integrar os trastornos da coagulación hereditarios nas políticas públicas nacionales” co obxeto de facilitar o acceso sustentable e equitativo á atención e o tratamento de todos e todas as pacientes.

⇓ Descarga o cartaz da Xornada

Inscripción Xornada Congreso

O 17 de abril conmemórase o Día Mundial da Hemofilia. Este día ten como obxectivo aumentar o nivel de conciencia sobre a hemofilia e outros trastornos da coagulación.

O lema deste ano da Federación Mundial de Hemofilia é “Acceso para todos: Asociación. Política. Progreso. Involucrar ao goberno, integrando os trastornos hemorráxicos hereditarios na política nacional”.

Como participar e crear conciencia

Anímate e ponche unha peza vermella. Comparte a túa foto ou vídeo nas redes sociais co ‘ hashtag’ #DíaMundialHemofilia, # RetoPrendaRoja e menciónanos (@Agadhemo e a @fedhemo)

Atrévete e ponte creativa! Comparte fotos de ilustracións, debuxos, mensaxes de ánimo e apoio á comunidade da hemofilia co # DíaMundialHemofilia # WHD2022 e etiquétanos (@Agadhemo e a @fedhemo) Estaremos atentas!

Comparte fotos de monumentos ou edificacións iluminadas de vermello usando as etiquetas # DíaMundialHemofilia, # WorldHemophiliaDay,# WHD2022 e #LightItUpRed.

Descarga o marco de Facebook do DMH e móstralle ao mundo o teu apoio á comunidade. Moitas grazas polo teu apoio!

Moitas grazas polo teu apoio!